“Kalofsh mirë sonte në varr”, Fero gëzon për vdekjen e gazetarit

Fatkeqësisht gazetari nga Kosova Artan Turkaj u nda ditën e djeshme nga jeta. I riu, rreth të tridhjetave ka ndërruar jetë të mërkurën, në orët e mëngjesit, si pasoj e një ataku kardiak.

Ndonëse kolegët, të afërmit dhe dashamirësit po e përjetojnë me dhimbje të madhe ndarjen nga jeta të gazetarit, ish-reperi Fero ka bërë një reagim shokues, të pamend dhe mbi të gjitha me mungesë respekti për ndarjen nga jeta të Artanit dhe dhimbjen e familjes.

Në disa postime në “Instagram”, Fero, i cili prej kohësh ka njoftuar largimin e tij nga muzika dhe përkushtimin në fenë islame, shprehet se ndarja nga jeta e gazetarit ishte dënim nga Allahu.

Ai ka postuar një status që gazetari kishte bërë një ditë para vdekjes në rrjetin social “Facebook” ku shkruante: “Urime Krishtilindjet jau boft Allahu kabull.”

Ky status duket se e ka prekur aq shumë Feron sa për tu shprehur ‘i lumtur’ për vdekjen e tij.

“Urime vdekjen gazetar! Kalofsh mirë sonte në varr!”- shkruan Fero.

Një status që ka lënë pafjalë shumë njerëz.

Fraksion.com