Vëllai i Liridona Ademajt – qytetarëve: Informacionet rreth rastit ndani me policinë dhe prokurorinë, jo me ne familjen

Leonard Ademaj, vëllai i Liridona Ademajt, e cila u vra më 29 nëntor, ka thënë se qytetarët që kanë informacione rreth rastit duhet t’i dorëzojnë ato në polici dhe prokurori dhe jo familjes së viktimës.

Përmes një postimi në Facebook, Leonard Ademaj ka thënë se interesi i familjes së tyre është edhe interes i përgjithshëm.

Ditët e fundit jemi duke u kontaktuar nga shumë njerëz të cilët kanë ofruar të ndajnë me neve informacione rreth vrasjes së Liridonës tonë.Ju lusim që të gjitha informacionet që i posedoni t’i ndani me policinë dhe prokurorinë dhe jo me neve. Hetimet ua kemi besu atyre dhe presim drejtësi profesionale dhe të shpejtë nga ana e gjykatës”.

“Interesi i familjes sonë dhe interesi i përgjithshëm është që hetimet të mos dëmtohen nga askush. Faleminderit të gjithëve për mbështetjen”, ka shkruar ai.