Hasani: Jemi gati për Bashkimin Evropian

Ministri për Evropën dhe Punët e Jashtme, Igli Hasani mori pjesë sot në Konferencën BE-Ballkani Perëndimor organizuar nga Miqtë e Evropës në Bruksel.

Ministri Hasani mbajti një fjalë në panelin për zgjerimin e BE.

“Mesazhi që vjen nga Tirana është i qartë: Jemi gati për BE”, tha Hasani.

Ministri theksoi se, Ballkani Perëndimor është sot një realitet tjetër krahasuar me 30 vite më parë.

“Falë Evropës dhe SHBA-ve, vendet e BP po trokasin në dyert e BE-së për t’u bërë anëtare”, theksoi ai.

Hasani nënvizoi se, Shqipëria është e mirë përgatitur dhe gati për sfidat që e presin përpara”.

Sa i takon angazhimit të BE në rajon, Hasani u shpreh se, “presim rezultate konkrete”.

“KE është institucioni më i fuqishëm që vazhdon të mendojë strategjikisht”, tha ai.

“Rinia shqiptare përfaqëson 100% të së ardhmes sonë. Është koha që Ballkani Perëndimor të bëhet pjesë e BE-së”, tha ndër të tjera ministri Hasani.

Fraksion.com