Ekzekutoi 41-vjeçarin në Fier, policia identifikon autorin, ngrihen pika kontrolli
Një 41-vjeçar është vrarë me armë zjarri këtë të enjte në lagjen “16 Prilli” në Fier rreth orës 11:00.
Shërbimet e Policisë kanë shkuar në vendngjarje, kanë identifikuar autorin dhe po punojnë për kapjen e tij.
Janë ngritur pika kontrolli në çdo aks rrugor, ndërsa grupi hetimor, në drejtimin e Prokurorisë po punon për zbardhjen e plotë të rrethanave të ngjarjes së rëndë.
Drejtori i Përgjithshëm i Policisë së Shtetit në një konferencë për shtyp për një ngjarje tjetër theksoi se brenda një kohe të shkurtër do të vendoset para drejtësisë autori i krimit.
“Po kemi marrë njoftim në lidhje me ngjarjen e ndodhur në qytetin e Fierit. Kemi identifikuar autorin dhe po punojnë për sqarimin e rrethanave dhe kapjen e tij. Ju sigurojmë që Policia e Shtetit brenda një kohe të shkurtër do të vendosë para drejtësisë autorin e krimit”, tha Rrumbullaku.
Njëri prej banorëve tha se viktima ëshëtë një djalë i idekuar dhe jeton me familjen.
“I edukuar, djalë i sjellshëm, familje të mrekullueshme, nga erdhi kjo Zoti e di, nuk dëgjova krisma, unë sa dola nga shtëpia dhe shkova në kafe, ka babanë nënën, vëllezërit në Gjermani, djalë i mbrekullueshëm”, tha ai.
Fraksion.com
