Grabitet argjendaria në Kamëz, 3 autorët e maskuar me automatik u arratisën me ‘BMW’
Një argjendari në rrugën “Nënë Tereza” në Kamëz ka rënë pre e gabitësve këtë pasdite.
Burime bëjnë me dije se se autorë kanë qenë 3 persona. Të maskuar kanë hyrë në argjendarinë “Marsi” dhe nën kërcënimin e një automatiku kanë marrë disa bizhuteri floriri të cilat kanë qenë në tavolinë për shitje.
Punonjësit e argjendarisë, kanë deklaruar se grabitësit nuk kanë arritur të marrin para. Më pas, asutorët janë larguar me një automjet tip “BMW” në drejtim të paditur. Shërbimet Policisë kanë shkuar menjëherë në vendngjarje.
Janë ngritur pikat e përkohshme të kontrollit në qarqet Tiranë, Durrës, Lezhë, Kukës dhe Shkodër. Grupi hetimor ka sekuestruar kamerat e sigurisë për të zbardhur detaje lidhur me identitetin e grabitësve. Për këtë rast është krijuar një grup i posaçëm hetimor me specialistë të strukturave të posaçme të luftës kundër krimeve të rënda.
Fraksion.com
