Tragjedia në koncertin e Taylor Swift, humb jetën 23-vjeçarja
Taylor Swift po zhvillon turneun Eras Tour.
Të premten mbrëma, ajo performoi në Rio de Zhaneiro të Brazilit në stadiumin Nilton Santos. Shumë fansa u sëmurën për shkak të valës së të nxehtit, me një indeks nxehtësie prej 60° dhe një fanse në koncert humbi jetën nga arresti kardiak.
23-vjeçares Ana Clara Benevides i ra të fikët para se Swift të dilte në skenë. Ajo u dërgua në një stacion mjekësor dhe më pas u transferua në spitalin Salgado Filho. Fansat po fajësojnë vendin për ndalimin e shisheve të ujit, si dhe për mbylljen e ventilatorëve për të mos lejuar fansat jashtë të shikojnë. Swift e ndaloi shfaqjen disa herë për t’i kërkuar sigurimit që t’u jepte ujë fansave; në një moment, ajo ia hodhi një shishe një fansi
Në Story-n e saj në Instagram, këngëtarja ndau një deklaratë për vdekjen e Benevides, duke thënë se ajo është “e pikëlluar”:
“Nuk mund ta besoj që po i shkruaj këto fjalë, por me zemër të copëtuar them se humbëm një fans para shfaqjes sime. Nuk mund t’jua shpjegoj dhimbjen që ndjej. Ka shumë pak informacion që kam përveç faktit se ajo ishte jashtëzakonisht e bukur dhe shumë e re.
Nuk do të jem në gjendje të flas për këtë nga skena, sepse ndihem e pushtuar nga pikëllimi kur përpiqem të flas për të. Dua të them se tani e ndjej thellë këtë humbje dhe zemra ime është me familjen dhe miqtë e saj. Kjo është gjëja e fundit që mendoja se do të ndodhte kur vendosëm ta sjellim këtë turne në Brazil.”
Fraksion.com
