Mira Murati merr rolin e rëndësishëm në OKB

Një tjetër sukses për inxhinieren shqiptare, Mira Murati.

Shefja e teknologjisë në kompaninë OpenAI, është bërë pjesë e Organit Këshillimor të Nivelit të Lartë për Inteligjencën Artificiale të Sekretarit të Përgjithshëm të Kombeve të Bashkuara.

Kjo është bërë e ditur në një njoftim të këtij institucioni, ku edhe është përshkruar një biografi e shkurtër e Muratit.

“Në rolin e saj, ajo drejton ekipet e kërkimit, produkteve dhe sigurisë të kompanisë, të gjitha të përkushtuara për të krijuar AI që është e sigurt, me ndikim dhe e dobishme për njerëzimin. Nën udhëheqjen e saj, risitë si ChatGPT, DALL-E dhe GPT-4 janë zhvilluar dhe vendosur”, thuhet në përshkrim të biografisë.

Aty shtohet se para mandatit të saj në OpenAI, Mira menaxhoi ekipet e produkteve dhe inxhinierisë në Leap Motion.

“Ajo gjithashtu luajti një rol kyç në Tesla Motors, duke udhëhequr projektimin, zhvillimin dhe lëshimin e produkteve të automjeteve si Model X, dhe duke kontribuar në programe pioniere në industrinë e hapësirës ajrore. Mira u diplomua me një diplomë bachelor në inxhinieri nga Shkolla e Inxhinierisë Dartmouth Thayer”.

yra e të dërguarit teknik të OKB-së thuhet se është e përkushtuar për të avancuar agjendën e bashkëpunimit digjital të Kombeve të Bashkuara, duke siguruar që përparimet teknologjike të përfitojnë të gjithë njerëzimin duke zbutur rreziqet që lidhen me to.

Fraksion.com