Mosha e kapitenit
Joe Biden bën shaka me moshën e tij dhe përpiqet ta mbulojë atë duke thënë se ajo i ka dhënë mençuri. Mjerisht, një vit para zgjedhjeve presidenciale amerikane, kjo pyetje vazhdon të ngrihet.
80-vjeçari demokrat është tashmë presidenti më i moshuar në historinë amerikane dhe, nëse ai fiton një mandat të dytë, do të ishte 86 vjeç kur të largohej nga Shtëpia e Bardhë.
Ai ngatërrohet. Ai pengohet te ura e ”Air Force One”, që u tregua veçanërisht ”e pabesë” për shefin e Shtëpisë së Bardhë.
Këto incidente vërshuan në rrjetet sociale dhe lumturuan rivalët e tij republikanë.
Sipas sondazheve, ky është një shqetësim i madh për amerikanët që pyesin se çfarë do të ndodhte nëse komandanti i tyre i përgjithshëm nuk do të ishte në gjendje të kryente detyrat e tij, ose më keq. Shqetësime që ngatërrojnë mesazhet politike të kampit demokrat.
Por, edhe rivali i tij i mundshëm, Donald Trump është 77 vjeç, vetëm tre vjet më i ri, edhe pse votuesit nuk duken aq të shqetësuar.
Në një sondazh të fundit të ABC/”Washington Post”, 74% e të anketuarve besojnë se presidenti aktual është shumë i moshuar për një mandat të dytë, krahasuar me 50% që mendojnë të njëjtën gjë për Donald Trump.
Një lajtmotiv që e gjejmë në disa sondazhe të fundit edhe pse i preferuari i zgjedhjeve paraprake republikane, gjyshi i 10 nipërve, do të bëhej, në rast fitoreje, presidenti i dytë më i moshuar pas Bidenit, me shtatë nipër e mbesa.
”Ky fokus mbi moshën është i padrejtë”, thotë S. Jay Olshansky, i cili studion jetëgjatësinë në Universitetin e Ilinoisit.
“Të plakesh nuk është më njësoj si më parë”, thotë ai.
– “Dituria” –
“Pjesë të mëdha të popullsisë mbijetojnë në dekadën e tyre të tetë krejtësisht të aftë për të qenë president ose për të bërë çfarë të duan”, vazhdon ai.
Përkundrazi, plakja kronologjike është sinonim i mençurisë, njohurive dhe përvojës.
Megjithatë, me përshpejtimin e kohës politike, mosha e kapitenit do të jetë në sy të të gjithëve.
”Vitin e ardhshëm, Joe Biden do të duhet të bindë njerëzit se ai është në formë të shkëlqyer duke bërë fushatë të paktën pesë ditë në javë”, shkruajnë William Galston dhe Elaine Kamarck në një koment të botuar nga instituti ”Brookings”.
Kontrolli i tij i fundit shëndetësor, në shkurt, e përshkroi atë si “të vrullshëm”, por ecja e tij është bërë shumë më hezituese dhe zëri i tij shpesh nuk është më shumë se një pëshpëritje mezi e dëgjueshme.
Rënia e tij, përfshirë nga biçikletat, transmetohet në mbarë botën.
Ai tani merr urën më të shkurtër e cila shpaloset nga barku i avionit presidencial për të shmangur ngecjen përsëri.
Për gafat e tij flitet, si përgjigjet e tij rrëqethëse për filmat e John Wayne ose kur tha se donte të flinte, gjatë një konference për shtyp.
Por, presidenti në largim, i cili është prekur gjithmonë nga një belbëzim, ka filluar të ndryshojë mendje.
Ai ka deklaruar disa herë me shaka se është 800 vjeç.
Kur së fundmi ai u pengua teksa po dilte në skenë në Filadelfia, ai u kap pas një parmaku për disa sekonda, duke shkaktuar të qeshura nga publiku.
Konflikti midis Izraelit dhe Hamasit dhe në Ukrainë ishin gjithashtu një mundësi për Joe Biden që të shpallte përfitimet e përvojës gjysmëshekullore të politikës së jashtme.
– “Super të moshuarit” –
As Donald Trump, i cili është angazhuar në imitime të vrazhda të rivalit të tij, nuk është i pagabueshëm.
Ish-presidenti deklaroi në shtator se Shtetet e Bashkuara të Amerikës ishin në prag të “Luftës së Dytë Botërore”, e cila përfundoi në 1945, menjëherë pasi akuzoi Joe Biden për “mangësi njohëse”.
Në tetor, ekipi i fushatës së Joe Biden publikoi një listë me hapat e gabuar të Donald Trump, si kur ai tha se ”kryeministri hungarez Viktor Orban po qeveris Turqinë”.
”Sido që të jetë, si Biden ashtu edhe Trump ka të ngjarë të jenë super të moshuar, një term i përdorur nga studiuesit për të përshkruar njerëzit që i ruajnë aftësitë e tyre shumë vonë në jetë, beson S. Jay Olshansky.
Vetë ky i fundit zbuloi se ”për presidentët amerikanë, koha biologjike duket se kalon më ngadalë sesa për pjesën tjetër të popullsisë”.
Por, zëvendëspresidentja Kamala Harris, 59 vjeç, e thirrur për të zëvendësuar kreun e shtetit në rast fatkeqësie, është gjithashtu një objektiv i preferuar i republikanëve.
Ajo është gruaja e parë, e para me ngjyrë dhe personi i parë me origjinë nga Azia Jugore në këtë pozicion, por sipas një sondazhi të Yahoo/YouGov të publikuar në maj dhe vetëm 35% e amerikanëve besojnë se ajo është gati të bëhet presidente.
Në fund të fundit, votuesit mund të kuptojnë se mosha nuk ka rëndësi.
“Unë kurrë nuk kam menduar për çështjen e moshës”, thotë Olivia Besgrove, një infermiere 23-vjeçare nga Misuri, e cila është republikane.
“Unë dua vetëm dikë që ka një kokë plot mbi supe”, thekson ajo.
