Refuzoi foton pranë flamurit, por nënshkroi marrëveshjen me Kosovën, politikani serb “nxjerr zbuluar” Brnabiç

Kreu i Lëvizjes “Odgovor” në Serbi, Boban Bogdanoviç ka reaguar lidhur me prezencën e kryeministres serbe Ana Brnabiç në Samitin e Procesit të Berlinit në Tiranë dje.

Kujtojmë se Brnabiç refuzoi të merrte pjesë në fotografinë familjare të liderëve për shkak se prapa tyre rreshtohej edhe flamuri i Kosovës.

Megjithatë Bogdanoviç është shprehur se me këtë veprim ajo ka “mashtruar” opinionin publik në Serbi.

Ai u shpreh përmes një postimi në platformën “X” se pasi refuzoi të merrte pjesë në fotografi, Brnabiç ka firmosur një marrëveshje, në të cilën përfshihej edhe Kosova.

“Kryeministrja e Serbisë refuzoi një foto të përbashkët në Tiranë për shkak të Republikës së Kosovës, ndërsa pak orë më vonë firmosi një dokument për pranimin e kualifikimeve profesionale të Republikës së Kosovës, de jure dhe de facto!”, shkroi Bogdanoviç.

Премијерка Србије @anabrnabic одбила је заједничку фотографију у Тирани због 🇽🇰, док је неколико сати касније потписала документ о прихватању стручних квалификација Републике Косова, де јуре и де факто!🙂 pic.twitter.com/jSIldoktdo

— Boban Bogdanović (@GenSecRespond) October 16, 2023

Fraksion.com