“Njohja e dy shteteve”, Kryeministri i Spanjës nga Tirana: E vetmja mënyrë për t’i dhënë fund konfliktit mes Izraelit dhe Palestinës

Kryeministri i Spanjës, Pedro Sanchez, tha në Samitin e Procesit të Berlinit, në Tiranë, se e vetmja mënyrë për t’i dhënë fund luftës mes Izraelit dhe Palestinës është njohja e dy shteteve.

Duke dënuar ashpër sulmin që vijon prej më shumë se një jave, kryeministri Sanchez tha se Bashkimi Evropian duhet të punojë për të shmangur përshkallëzimin e dhunës.

“Ne takohemi në një moment kyç për komunitetin ndërkombëtar. Evropa është shembull që tregon se pajtimi është e vetmja mënyrë për të ecur përpara. Kjo është esenca e Procesit të Berlinit. Lufta e dhunës dhe konfliktit është e kundërta e asaj që ne mbrojmë. Ne dënojmë Hamasin për luftën dhe Izraeli ka të drejtën legjitime të mbrohet. Ne duhet të punojmë për të shmangur përshkallëzimin e dhunës dhe të rigjallërojmë të gjitha përpjekjet për të gjetur një zgjidhje mes Izraelit e Palestinës. E vetmja mënyrë si mund të zgjidhet konflikti është njohja e dy shteteve”, u shpreh Sanchez.

Fraksion.com