Tërmeti trondit Napolin, magnituda 4.0 mbyll shkollat në Pozzuoli, njerëzit dalin në rrugë!

Një tërmet me magnitudë 4.0 është ndier në Napoli, në zonën Flegrae gjatë natës.

Mësohet se epiqendra e tërmetit ishte në Campi Flegrei, me një thellësi prej 3 kilometrash, sipas Institutit Kombëtar të Gjeofizikës dhe Vullkanologjisë. Po ashtu mediat italiane bëjnë me dije se gjatë orëve të mëngjesit është regjistruar një tjetër tërmet me magnitudë 2.2 i shkallës Rihter. Sakaq, qytetarët e frikësuar kanë qëndruar në rrugë deri në orët e vona të natës ndërsa është dhënë urdhër që shkollat të qëndrojnë mbyllur sot.

Tërmeti është ndjerë dukshëm në zona të ndryshme të qytetit, si në zonën kodrinore të Vomero-s dhe në breg të detit, në Posillipo dhe në zonat e qendrës pranë Piazza del Plebiscito.

Si pasojë e lëkundjeve të forta, në zonë raportohet dëme materiale por fatmirësisht nuk ka të lënduar.

Fraksion.com