Shpifjet se shfaqet në një video, Luana Vjollca u përgjigjet me një mesazh
Luana Vjollca ka hedhur poshtë aludimet që po qarkullonin në rrjet, sipas të cilave moderatorja shfaqej në një video erotike që po qarkullon përmes WhatsApp-it.
“Është e turpshme që hidhni baltë mbi jetën e një vajze që për gjithçka ka sot, ka vendosur të zgjedhë rrugë tjetër në ketë jetë për t’ia dalë. Rrugën e punës,” shkroi Luana në një foto ku zbulon kraharorin dhe tregon se nuk ka tatuazhe.
Po ashtu, ajo e nisi natën e mbrëmshme të “Love Island” me një mesazh, duke thënë:
“Imagjinoni sa e bukur do ishte jeta dhe bota nëse nuk do kishte shpifje, intriga dhe urrejtje. Dhe sa e bukur do ishte nëse vendin e tyre do e zinte dashuria, respekti dhe e vërteta.”
Ervin Karamuço u shpreh në “Zonë e Lirë” se nga zbërthimi i telefonit të një personi në kërkim, kanë dalë dy video intime me protagoniste dy vajza të njohura të showbiz-it shqiptar. “Janë dy personazhe të showbiz-it, por njëra njihet shumë. Poseduesi i këtij celulari është një person ende në kërkim nga drejtësia shqiptare,” pretendoi ai.
Karamuço në asnjë moment nuk ka pretenduar një emër të përveçëm.
Fraksion.com
