Shqiptarja vritet me 3 plumba në Itali, në kërkim bashkëshorti! Videot e para nga vendi i krimit

Burri është identifikuar nga mediat italiane, si Alfred. Tashmë kanë nisur kontrollet dhe dyshohet se ai mund të jetë në zonën mes Sienës dhe Firenze.

Klodiana Vefa është nënë e dy fëmijëve, e një djali 17 vjeçar dhe një vajze 14 vjeçare.

Mësohet se janë dëgjuar tre të shtëna dhjetra metra larg banesës ku jetonte me fëmijët e saj.

Ndërkohë në mediat italianë janë publikuar dhe fotot e pamjet e para nga vendi i ngjarjes.

Dyshimet e para janë se e reja mund të jetë ekzekutuar nga ish bashkëshorti i saj i cili duket që është zhdukur.

Klodiana Vefa nuk ishte ndarë ligjërisht nga bashkëshorti, gjithashtu shqiptar, por së fundmi mes çiftit kishte pasur mosmarrëveshje dhe duket se burri nuk jetonte më në të njëjtën shtëpi. Klodiana Vefa punonte si kamariere në një piceri dhe ishte integruar në komunitetin e Castelfiorentino.

Dyshimet fokusohen tek burri i saj me të cilin ishte duke u divorcuar dhe nuk jetonin më bashkë. Sipas informacioneve paraprake, burri ndodhet në arrati dhe është larguar me një automjet të tipit “Golf” të bardhë. Policia ka nisur kërkimin për autorin duke ngritur postblloqe në të gjithë Val d’Elsa, në zonën midis Poggibonsi, në provincën e Sienës dhe zonës Empoli, sipas medias italiane RaiNews.

Gruaja doli jashtë për të folur me të dhe pikërisht në trotuar ajo u qëllua tre herë nga një armë zjarri, ku një prej plumbave në fyt ishte fatale për të. Ambulanca mbërriti në vendngjarje, por 35-vjeçarja nuk arriti t’i shpëtonte dot plagëve të marra.