Zgjedhjet në Kukës, KAS rrëzon kërkesën e PD për anëtarët e KZAZ-së

Komisioni i Ankimeve dhe Sanksioneve ka rrëzuar kërkesën e Partisë Demokratike duke lënë në fuqi vendimin e KQZ-së sa i takon ndarjes së anëtarëve të KZAZ-së për zgjedhjet në Kukës.

KAS ka lënë në fuqi vendimin e Komisionerit Shtetëror të Zgjedhjeve.

Kështu, Partia Socialiste do të ketë mundësinë të propozojë 3 komisonerë në KAZAZ, Partia e Lirisë dy komisionerë dhe Partisë Demokratike i mbetet vetëm një.

Ankimi i Partisë Demokratike erdhi pasi pretendon se u takojnë më shumë komisionerë se Partia e Lirisë.

KAS nuk doli me një vendim dhe çështja shkoi në Kolegj Zgjedhor dhe ky i fundit e ktheu edhe njëherë në KAS.

PD ka mundësi që ta ankimojë sërish në Kolegjin Zgjedhor pranë Gjykatës Administrative të Tiranës.

Fraksion.com