Depresioni shkak i drejtpërdrejtë i diabetit të tipit 2

Depresioni është një shkak i drejtpërdrejtë i diabetit të tipit 2 dhe jo vetëm sepse njerëzit mund të jenë mbipeshë, sugjeron një studim i ri.

Ekspertët e financuar nga shoqata bamirëse ”Diabetes UK” kanë zbuluar një lidhje shkakësore dhe gjenetikë të përbashkët duke sugjeruar se depresioni mund të jetë duke shkaktuar diabetin e tipit 2, i cili prek rreth 4,5 milionë persona në BM.

Deri më tani, studiuesit kanë ditur se njerëzit me diabet të tipit 2 kanë rreth dy herë më shumë gjasa të kenë depresion sesa ata pa diabet dhe se njerëzit me depresion janë në një rrezik më të lartë për të zhvilluar diabetin e tipit 2.

Megjithatë, nuk është e qartë nëse depresioni është shkaku i tipit 2, apo anasjelltas, apo nëse faktorë të tjerë janë në lojë.

Në studimin e fundit, studiuesit përdorën një metodë statistikore të quajtur ”randomizimi mendelian” për të analizuar informacionin gjenetik dhe shëndetësor.

Ata zbuluan, për herë të parë, se depresioni shkakton drejtpërdrejt një rrezik të shtuar të zhvillimit të diabetit të tipit 2, por jo se diabeti shkakton depresion.

Fraksion.com