Astrit Patozi merr drejtimin e “A2 CNN”

Astrit Patozi rikthehet në drejtimin e medias, njeriu që ka qenë më shumë vite kryeredaktor i gazetës “Albania” dhe gazetës “RD”, tashmë është rikthyer në drejtimin e një medie siç është televizioni “A2 CNN”.

CNA ka mësuar nga burime zyrtare se sot është bërë prezantimi i Astrit Patozit me stafin dhe detyra e tij do të jetë administrator i kompanisë.

Sipas të njëjtave burime, Patozi menjëherë ka filluar punën për sezonin e ri mediatik për të çuar “A2 CNN” në një nivel tjetër.

Astrit Patozi është gazetar dhe politikan që prej shumë vitesh ka punuar në media, më pas ka pasur detyra të rëndësishme politike deri te kryetari i Grupit Parlamentar dhe nënkryetar i Partisë Demokratike.

Ai u nda nga linja zyrtare e PD-në në vitin 2017, pas përplasjeve dhe përjashtimit nga Lulzim Basha.

Më pas me një grup demokratësh themeluan “Bindjen Demokratike” dhe prej disa kohësh ai është tërhequr nga jeta aktive politike. Thjesht dhe vetëm është parë në disa deklarata dhe qëndrime publike.

Tashmë ka vendosur t’i rikthehet profesionit të tij, drejtimit të medias, ku ka punuar për disa dekada.

Astrit Patozi do të zëvendësojë Andri Kasnecin, i cili ka kontribuar ndjeshëm në zhvillimin e A2 CNN që nga themelimi i tij.

 Andri Kasneci A2 CNN është një televizion që ka arritur të bëjë një impakt të madh në tregun e televizioneve informative në Shqipëri. Së fundmi, A2 CNN ka marrë licencën për transmetim në Kosovë dhe vazhdon të jetë partneri ekskluziv i CNN për Shqipërinë, Kosovën dhe Maqedoninë.

Fraksion.com