AktualitetTë fundit

Kanabisi në repartin e Zall Herrit/ “Parcela u gjet që në korrik”, dëshmia e shefit të zbulimit: Kolonelin e njoftova, por…

Detaje të reja janë zbuluar gjatë hetimeve për kanabisin e zbuluar në repartin e Forcave të Armatosura në Zall Herr, për të cilën ka dëshmuar edhe shefi i zbulimit, Gramoz Mullai.

I pyetur nga autoritetet shtetasi Gramoz Mullai, me detyrë shef i zbulimit, u shpreh se kishte marrë pjesë në kontrollet e zhvilluara përgjatë vitit 2023. Ai shprehet se kontrollin e fundit në repart e ka ushtruar në datë 10-11-07-2023 së bashku me kapterin Shefqet Pashaj dhe Tetar Besmir Rama.

Kontrolli është bërë duke patrulluar territorin në këmbë dhe më datë 10.07.2023, ka konstatuar disa parcela me lëndë narkotike në vendin e quajtur “sipër liqeneve” (vendi ku janë gjetur të kultivuara bimët narkotike janë në një distancë rreth 200 metër në vijë ajrore nga ky vend) dhe nuk ka konstatuar ndonjë shteg të krijuar rishtazi.

Ai shprehet se plani i kontrollit është bërë sipas proceduarave standarte dhe se ai është përfshirë personalisht duke bërë organizimin e shërbimeve për të cilat ishte përgjegjës. Mullai u shpreh se detyrën e kontrollit të infrastrukturës ushtarake e kishte kompania mbështetëse e kapitenit Laurent Dollomaja, ndërsa ai përgjigjej si bëheshin këto detyra nga personali ushtarak.

 

 

Zonat që kontrolloheshin përcaktoheshin në bazë të zonave të riskut ku me rrezikshmëri më të madhe ishin vendet ku kishte ujë dhe vende të kamufluara sikurse ishte zona e pyllëzuar. Ai shprehet se ka kryer një kontroll të vazhdueshëm të territorit dhe kishte mbajtur procesverbalët përkatës. Gjatë kontrollit që kishte ushtruar me vartësit e tij Kapiteni Rustem Koçi dhe Rreshter Gentian Zhurda kishin konstatuar cënim të rrethimit në shumë pjesë të tij.

Ai shprehet se faktin ia kishte raportuar me gojë kolonelit Petrit Dajlani, por nuk kishte mbajtur procesverbal për shkeljen e perimetrit. Për këto shkelje të konstatuara nuk kishin marrë masa konkrete për shkak të mangësisë së efektivit.

 

Fraksion.com