Margot Robbie sugjeroi Gal Gadot për rolin kryesor të Barbie, ylli i “Wonder Woman” reagon për herë të parë!

Aktorja Margot Robbie, ylli dhe bashkëproducentja e filmit, në një intervistë për Vogue tha se zgjedhja e saj për rolin nuk ishte askush tjetër veçse ylli i “Wonder Woman”, Gal Gadot.

Edhe pse tani është e vështirë të imagjinohet dikush tjetër përveç Robbie në rolin e Barbie, Gadot u sugjerua për këtë rol, por për shkak të konflikteve të planifikimit kjo nuk ndodhi kurrë. Tani, në një intervistë me Flaunt Magazine, Gadot iu përgjigj komenteve të aktores Robbie.

Aktorja e Heart of Stone vazhdoi:

“Do të doja të bëja gjithçka me Margot dhe u preka shumë nga komentet e saj. Ajo ma ngrohu zemrën me gjithçka që tha për mua. Unë jam shumë e emocionuar për ta dhe jam shumë e emocionuar për Barbie.”

Nga ana tjetër së fundmi aktorja e njohur Gal Gadot pohoi se drejtuesit e DC, James Gunn dhe Peter Safran e informuan atë se do të punonin për “Wonder Woman 3” së bashku, por Variety nga ana tjetër ka mësuar se nuk është kështu. Burimet pohojnë se as një film i tretë i Wonder Woman dhe as ndonjë projekt i lidhur me Wonder Woman nuk janë aktualisht në zhvillim në DC Studios, me përjashtim të serisë prequel tashmë të shpallur të Gunn dhe Safran Paradise Lost për Max.

Fraksion.com