“Rashë në kurth!”, Rama shpjegon memen e eksodit: Nuk ishte kundër Italisë, jam i dashuruar me të. Gjyshja ime kishte gjak italian

Memeja e postuar dje në rrjetin e tij social ku pasqyrohej një foto e anijes ”Vlora” të 8 gushtit 1991, me 20 mijë shqiptarët që zbarkuan në Bari, dhe pranë saj, i njëjti imazh i kundërt: turistët italianë që zbarkojnë në Shqipëri  shkaktoi polemika në mediat italiane.

Në një intervistë për “La Repubblica” Rama tha se kishte rënë në kurth dhe se nuk ishte kundër Italisë.

Pjesë nga intervista

Kryeministër Edi Rama, si ju lindi ta postoni në Instagram?

Edi Rama – Rashë në kurth. Mendova se ishte titulli i një gazete italiane. Në vend të kësaj, djemtë e rrjeteve sociale më thanë se ishte një meme… E postova sepse ky është një moment i veçantë për ne”.

Në çfarë kuptimi?

“Shifrat janë mbresëlënëse. Rritja e turizmit është 35% dhe po shkon drejt 45%. Vetëm gjysmë milioni italianë».

Është provokim i juaji?

“Jo kundër Italisë, jam i dashuruar me të. Gjyshja ime kishte gjak italian dhe më fliste në gjuhën tuaj që kur linda. Dhe Italia ishte e vetmja dritare drejt botës jashtë bunkerit të diktaturës. Televizorët ishin errësuar, por në Vlorë në verë, nëse moti ishte i mirë, mund të shihnim Rain dhe Telenorbën. Dhe hoqëm dorë të shkonim në plazh. Imagjinoni një duzinë fëmijësh të ulur në dysheme përpara televizorit bardh e zi të gjyshërve të mi. Më pas erdhën vitet nëntëdhjetë dhe zbuluam Lamericën, si në filmin e Gianni Amelio.

Fraksion.com