Plumbi e kap në kokë: Vritet kandidati për President në Ekuador (Video)

Është publikuar momenti, kur kandidati i qendrës për zgjedhjet presidenciale në Ekuador, Fernando Villavicencio, u qëllua për vdekje me armë zjarri nga persona ende të panjohur.

Fernando Villavicencio, një anëtar i asamblesë kombëtare të vendit, u sulmua teksa po largohej nga tubimi në qytetin verior të Kuitos të mërkurën.

Një anëtar i ekipit të tij të fushatës i tha mediave vendase se Villavicencio po hipte në një makinë kur një burrë doli përpara dhe e qëlloi në kokë. Presidenti aktual Guillermo Lasso u zotua se “krimi nuk do të mbetet i pandëshkuar”.

Dëshmitarët thanë se Villavicencio, 59 vjeç, u qëllua tre herë. I dyshuari u qëllua gjithashtu në një shkëmbim plumbash me sigurinë dhe më vonë vdiq nga plagët e tij, tha prokurori i përgjithshëm i vendit.

Raundi i parë i zgjedhjeve presidenciale në Ekuador është planifikuar të mbahet më 20 gusht.

Video:

59-vjeçari Villavicencio ishte duke u futur në makinë e tij pas një takimi elektoral, ku u dëgjuan të shtanat mes turmës. Një plumb në kokë rezultoi fatal për kandidatin duke i marrë dhe jetën.

Fraksion.com