Mes tensionesh në rritje, Letonia përforcon kufirin me Bjellorusinë

9 Gusht, 2023 admin

Letonia ka përforcuar masat e saj të sigurisë përgjatë kufirit me Bjellorusinë që nga mbërritja e luftëtarëve të grupit mercenar Wagner. Riga ka akuzuar gjithashtu Minskun se ka ndihmuar emigrantët të hyjnë ilegalisht në Letoni.

Një helikopter i Gardës Kufitare Shtetërore Letoneze u nis nga Lidumnieki për të inspektuar zonën pranë kufirit mes Bjellorusisë dhe Letonisë më 8 gusht.

Letonia, Polonia dhe vende të tjera në krahun lindor të NATO-s kanë shprehur shqetësime për një kërcënim të mundshëm nga Bjellorusia, e cila tani strehon mijëra trupa që i përkasin grupit mercenar Wagner.

Letonia, së bashku me Poloninë, ka shtuar masat e saj të sigurisë përgjatë kufirit të saj që nga mbërritja e forcave të Wagner-it në Bjellorusi në korrik.

Një shenjë kufitare letoneze shihet në kufirin Letoni-Bjellorusi pranë Robeznjekit.

Kufiri mes dy vendeve është pothuajse 173 kilometra i gjatë. Letonia, gjithashtu, ndan kufirin me Rusinë në lindje të saj.

Presidenti letonez, Edgars Rinkevics, inspekton kufirin Letoni-Rusi pranë Lidomnjekit më 8 gusht.

Shteti baltik ka akuzuar vendin fqinj dhe sundimtarin e tij, Alyaksandr Lukashenka, për prurjen e qëllimshme të emigrantëve nga rajonet e krizës në kufi në mënyrë që të hyjnë ilegalisht në Letoni.

Oficerët e njësisë speciale të Gardës Kufitare Shtetërore Letoneze duke patrulluar përgjatë gardhit kufitar me Bjellorusinë pranë Robeznjekit.

Riga ka akuzuar forcat bjelloruse të sigurisë për dëmtimin e gardhit kufitar dhe lejimin e katër emigrantëve të kalojnë ilegalisht në atë që ajo e quajti “një provokim tjetër”.