Ukraina premton më shumë sulme ndaj anijeve ruse dhe urës së Krimesë

Ukraina ka njoftuar se synon të vazhdojë sulmet duke përdorur drone detare, pas dy sulmeve duke përdorur armë të tilla brenda 24 orëve.

Kreu i Shërbimit të Sigurisë të Ukrainës (SBU) Vasyl Maliuk tha të shtunën se çdo shpërthim që ndodh në anijet ruse ose urën e Krimesë është “një hap absolutisht logjik dhe efektiv. Për më tepër, operacione të tilla speciale kryhen në ujërat territoriale të Ukrainës dhe janë plotësisht legale”.

Maliuk tha se nëse rusët donin që shpërthime të tilla të ndalonin “ata kanë të vetmen mundësi për ta bërë këtë – të largohen nga ujërat territoriale të Ukrainës dhe tokës sonë”.

Kujtojmë se Cisterna Sig me flamur rus u dëmtua nga një dron detar gjatë natës pranë urës që lidh gadishullin e aneksuar të Krimesë me Rusinë kontinentale. Sipas agjencisë ruse për transportin detar dhe lumor, Sig u godit pak para mesnatës së të premtes me orën lokale. Ajo nuk mbante një ngarkesë nafte në atë kohë.

Goditja në cisternën e naftës u krye në një operacion të përbashkët me Marinën, tha një burim i Shërbimit të Sigurisë së Ukrainës (SBU) për CNN.

Sulmi erdhi disa orë pasi dronët ukrainas sulmuan një bazë të madhe detare ruse në Detin e Zi.

Fraksion.com