Ish numri 2 i PS-së, Gjiknuri: Pasuritë e mia janë publike, nuk shqetësohem nëse i heton SPAK

Dy ditë pasi Asambleja Kombëtare e Partisë Socialiste shkarkoi Damian Gjiknurin si Sekretar të Përgjithshëm të PS-së,  ish numri 2 i partisë tha se këto ndryshime vijnë në kuadër të një analize që po bëhet pas fitores së zgjedhjeve.

A ka nisur SPAK hetim pasuror ndaj Damian Gjiknurit?

Gjiknuri thotë se nuk ka dijeni por nuk ndihet i shqetësuar. Madje kujton se pasuritë e tij janë kaluar në sitë 3 herë nga Inspektoriati i Lartë i Deklarimit të Pasurive.

“Pasuritë e mia janë publike. Nuk kam informacion. Nuk shqetësohem nuk kam asnjë lloj përftimi nga personat në fjalë (Klodian Zoto e Mirel Mërtiri)”

Sa i takon udhëtimeve të tij me dy biznesmenët, në kërkim për inceneratorët Gjiknuri tha se nuk ka përfituar asnjë udhëtim nga ata.

“Udhëtimet e mija kanë qenë zyrtare. Dy udhëtimet janë bërë me Arben Ahmetaj duke shkuar në SHBA për të lidhur një kontratë me ÇEZ” tha Gjiknuri.

Fraksion.com