“Ahmetaj burrë i zgjuar iku, do ju denoncojë një nga një”, Dash Sula: Nëse inceneratori i Elbasanit punon jap dorëheqjen

Deputeti i PD-së Dashnor Sula sfidon maxhorancën se është gati të japë dorëheqjen nëse vërtetohet se inceneratori i Elbasanit punon.

Dashnor Sula: Inceneratoët janë skemë e pasur korruptive për të mbajtur pushtetin. Mentori ishte Arben Ahmetaj, sepse të mbash pushtetin të duhen para për të blerë votën e të varfërve. Nga 50 euro e çuat votën në 500 euro.  I përdorët për të mbyllur gojën mediave. E keni të qartë që doni të bleni dhe njerëz e drejtues të opozitës vetëm për të mos denoncuar skandalet.

Nëse inceratori i Elbasanit punon pas datës 14 maj jap dorëheqjen, punoi vetëm 2 javë për ti hedhur hi syve se u bënë mal plehrat e Elbasanit. Nuk punon inceneratori i Elbasanit. A vlen kjo serë me plasmas tek inceneratori i Tiranës?! 310 mijë euro financuar nga AZHBR?! U financuan për një serë plasmasi që nuk funksionon sot.

Ai kërkon Ramën të vijë në interpelancë në Kuvend dhe thotë se Ahmetaj u tregua njeri i zgjuar duke u larguar.

“Të mos vijë kryeministri por të na thoni kush janë personat e tjerë që të vijnë e të japin shpjegime. Arben Ahmetaj u tregua i zgjuar e bëri gjënë më të meçme që iku. Ai është tmerri juaj dhe në gjumë. Do të vijë dita që do ju denoncojë një nga një.  Të gjithë do të japin llogari kush ka futur duart tek inceneratorët” tha Sula.

Fraksion.com