Sfidat në veri të Kosovës: Sekretari i Përgjithshëm i NATO-s takohet me Presidentin e Serbisë

Sekretari i Përgjithshëm i NATO-s, Jens Stoltenberg u takua me Presidentin  e Serbisë, Aleksandar Vuçiç  në Bruksel të mërkurën (19 korrik 2023) për të diskutuar tensionet në veri të Kosovës.

Z. Stoltenberg e quajti të papranueshme dhunën e fundit kundër paqeruajtësve të KFOR-it, duke nënvizuar se KFOR-i ka dislokuar 500 trupa shtesë në Kosovë dhe është i gatshëm të veprojë sipas nevojës, në përputhje me mandatin e tij në OKB.

Ai nënvizoi se të gjitha palët duhet të parandalojnë çdo përshkallëzim të ri dhe të angazhohen në mënyrë konstruktive në dialogun e lehtësuar nga BE-ja ndërmjet Beogradit dhe Prishtinës.

Deklaratë e përbashkët Sekretari i Përgjithshëm i NATO-s Jens Stoltenberg me Presidentin e Serbisë, Aleksandar Vuçiq

President Vuçiq, i dashur Aleksandër,
Mirë se vini.
Është mirë që të shoh përsëri.
Dhe e vlerësoj këtë mundësi për t’u takuar me ju dhe për të qenë në gjendje të adresoj sfidat me të cilat përballemi në veri të Kosovës.
Siç e dini, NATO ka qenë atje për shumë vite me misionin tonë paqeruajtës, misionin e KFOR-it.
Misioni ynë atje bazohet në një mandat të OKB-së.
Ne e kryejmë misionin tonë atje në mënyrë të paanshme.
Ne sigurojmë një mjedis të mbrojtur dhe të sigurt dhe lirinë e lëvizjes për të gjitha komunitetet.
Në maj, trupat tona u sulmuan dhe 93 u plagosën, tre prej tyre rëndë. Kjo është e papranueshme.
NATO ka rritur praninë e saj me rreth 500 trupa në përgjigje të tensioneve të shtuara dhe vështirësive që shohim në veri të Kosovës.
Ne do të vazhdojmë të sigurojmë që ta kryejmë mandatin tonë në mënyrë të paanshme dhe të sigurojmë që të kemi forcat në dispozicion për të zbatuar mandatin e OKB-së.
Është e rëndësishme që tensionet të reduktohen, ndaj u bëjmë thirrje të gjitha palëve që të ulin tensionet dhe të përmbahen nga veprimet dhe retorika përshkallëzuese.
Ne besojmë fuqimisht se e vetmja rrugë përpara është përfshirja në dialog, në dialogun e lehtësuar nga BE-ja, me mbështetjen e fuqishme të NATO-s.
Serbia është një partner afatgjatë i NATO-s dhe ne besojmë se ju do të angazhoheni në këtë dialog në mënyrë konstruktive.
Pra, edhe një herë, mirëseardhje. Pres me padurim takimin dhe diskutimet tona dhe ju mirëpres sërish zotin President.

Fraksion.com