Topalli: Dhuna e fisit Rraja fytyra e rezultati i zgjedhjeve të 14 majit
Në një konferencë për mediat këtë të martë, ish-kryeparlamentarja Jozefina Topalli tha se fytyra e zgjedhjeve lokale është dhuna e fisit Rraja dhe përdorimi i forcës nga bandat për të intimiduar rezultatin.
Gjatë prezantimit të gjetjeve të PD, ku pretendojnë se zgjedhjet e 14 majit janë vjedhur, Topalli tha se nuk mund të flitet për zgjedhje të lira kur PD-së iu rrëmbye vula dhe logoja si forcë politike e madhe, ndërsa opozita u përdor dhe kërcënua në favor të partisë në pushtet.
“Fytyra e zgjedhjeve lokale, janë zgjedhje që nisëm me tritolin dhe përfunduan me burgosjen e kandidatit për bashkimit për fitore. Ose përdorimi i deri të burgosurve për të deformuar rezultatin e zgjedhjeve, të flasësh për zgjedhje të lira e të ndershme është krejt jo realiste. Këto janë në historinë e tre dekadave, zgjedhjet më të pabarabarta për 1 mijë fakte dhe ngjarje që kanë ndodhur, nga përdorimi i shtetit në favor të partisë në pushtet.
Ajo që ka ndodhur në qarkun e Lezhës duhet të kujtohen skenat e fisit Rraja në Krujë, pamje që tronditën opinionin publik. Bandat të mbështetura nga politika dhe me para të madhe kanë ndikuar në qarqe, mbi të gjitha aty ku fitorja e probabilitetit është shumë e madhe. Fisi Rraja ekziston dhe në qarkun Lezhë, sjellja e tyre brutale është në bashkitë e Rrogozhinës, Shkodrës por të flasësh për zgjedhje që plotësojnë kriteret e Copenhagen, është jashtë realitetit.
A mund të votosh i lirë nëse ti dhunohesh, kërcënohesh siç kemi parë pamjet nga familja Rraja, ato pamje shpjegojnë më shumë fakte se ca do shpjegohet tani. Janë zgjedhjet më të pabarabarta në 3 dekada, ku një force politike i vidhet logoja dhe vula, që mos lejohet opozita të hyjë në zgjedhje, s’ka ndodhur kurrë që mos të kishim emrin e drejtuesit të koalicionit.
Ndoshta është dhe ndër rastet e radha për t’u diskutuar, por kurrë ndonjëherë fuqia e korruptimit s’ka qenë më e fortë sesa këtë radhë, apo administrata të përdorej dhe të kërcënohej për tu përdorur në favor të partisë në pushtet”, tha ajo.
Fraksion.com
