I pyetur nëse do të ketë një dasmë tradicionale mes çiftit përveç kurorëzimit, Vlashenti tha se dëshira më e madhe e tij ishte të kthehej pas në kohë dhe të kishte prezent familjarët e tyre, ku shtoi se ai është me fat që e ka në jetën e tij Dojnën.

“Dëshira më e madhe e imja do të ishte që të kthehesha në kohë që kur të bëja dasmën të kisha babin tim, të Dojnës disa shok që më janë larguar nëpër botë. Por nëse një ditë do ta bëja do të ishte një natë e katërt në ‘Za fest’ ku njerëzit të takohen me njëri tjetrin dhe jo të ftoj ca njerëz që të na shohin ne sesi e kemi gjetur ne dashurinë tonë, si me i bë karshillik njerëzve. Dua të jenë të ftuar të njohur dhe të panjohur që të takohen me njëri-tjetrin. S’e kam menduar kurrë që do kthehesha në Shqipëri dhe do njihja një vajzë shqiptare, aq më pak Dojnën.”-tha ai.