Sekretari i Përgjithshëm i NATO-s: Samiti i Vilniusit tashmë ka bërë histori për Suedinë, do të marrë vendime kyçe për Ukrainën, parandalimin dhe mbrojtjen

Duke folur në fillim të një Samiti dy-ditor të NATO-s në Vilnius të martën (11 korrik 2023), Sekretari i Përgjithshëm Jens Stoltenberg përshëndeti marrëveshjen e Presidentit Rexhep Tajip Erdogan për t’ia përcjellë protokollit të pranimit për Suedinë në Asamblenë e Madhe Kombëtare sa më shpejt të jetë e mundur, duke e quajtur këtë Një vendim historik i cili është “i mirë për Suedinë, i mirë për Turqinë dhe i mirë për të gjithë Aleancën”.

Në samit, aleatët do të dërgojnë gjithashtu një mesazh të qartë se “ne qëndrojmë pranë Ukrainës për aq kohë sa duhet” dhe do të përmirësojmë lidhjet politike me Kievin – duke përfshirë takimin inaugurues të Këshillit NATO-Ukrainë me Presidentin Volodymyr Zelenskyy. Stoltenberg nënvizoi se aleatët do të marrin vendime për të përforcuar parandalimin dhe mbrojtjen dhe do të bien dakord për një premtim më ambicioz të investimit të mbrojtjes. Sekretari i Përgjithshëm mirëpriti gjithashtu që aleatëve do t’u bashkohen liderët e Australisë, Zelandës së Re, Japonisë dhe Republikës së Koresë, duke nënvizuar se siguria nuk është rajonale, por globale.

Fraksion.com