Vrasja e 29-vjeçarit në Krujë dhe plagosja e 2 të miturve, shoqërohen 3 persona në polici, kontrolle në banesat e tyre

Policia e Shtetit ka shoqëruar tre persona pas ngjarjes së rëndë dje në Krujë, ku u vra një 29-vjeçar dhe u plagosën dy të mitur, një atentat i ndodhur në banesën e Gentjan Bejtjas në fshatin Larushk.

Sipas burimeve zyrtare, janë ushtruar 3 kontrolle në 3 banesa.

“Në lidhje me informacionin paraprak të dhënë mbrëmë, për ngjarjen e ndodhur në oborrin e banesës së shtetasit G. B., ju bëjmë me dije se:
Ka ndërruar jetë si pasojë e plagëve të marra shtetasi R. S., 29 vjeç, si dhe janë plagosur dhe ndodhen në spital, nën kujdesin e mjekëve, dy të mitur të moshës 13 dhe 10 vjeç, (nipat e shtetasit R. S).
Me qëllim identifikimin dhe kapjen e autorit/ëve të dyshuar, shërbimet e Policisë kanë ushtruar 3 kontrolle në 3 banesa si dhe kanë shoqëruar 3 persona që mund të kenë dijeni për ngjarjen.
Në përfundim të veprimeve hetimore në lidhje me ngjarjen, do të ketë një njoftim për shtyp në vijim”, njoftoi zyrtarisht Policia.

Fraksion.com