Sekretari i Përgjithshëm në Këshillin Evropian: Bashkëpunimi NATO-BE është kyç për të mbështetur Ukrainën, duke iu përgjigjur sfidave kryesore të sigurisë

Sekretari i Përgjithshëm i NATO-s po merr pjesë në Këshillin Evropian të enjten (29 qershor 2023), me ftesë të Presidentit të Këshillit Evropian Charles Michel. Sekretari i Përgjithshëm vlerësoi partneritetin mes NATO-s dhe Bashkimit Evropian, i cili ka arritur nivele të paprecedentë. Ai e përshkroi atë si çelësin për mbështetjen e vazhdueshme për Ukrainën dhe për t’iu përgjigjur sfidave të tjera kritike.

Sekretari i Përgjithshëm përshëndeti bashkëpunimin NATO-BE për qëndrueshmërinë e infrastrukturës kritike dhe publikimin e sotëm të raportit të vlerësimit të Task Forcës NATO-BE. Ai falënderoi Komisionin Evropian dhe Shërbimin Evropian të Veprimit të Jashtëm për punën e përbashkët me NATO-n mbi raportin, i cili sugjeron mënyra konkrete për zhvillimin e mëtejshëm të lidhjeve – duke përfshirë më shumë shkëmbime informacioni; puna për të identifikuar rrugët alternative të transportit për lëvizshmërinë civile dhe ushtarake; dhe lidhje më të ngushta në kërkimin e sigurisë.

Sekretari i Përgjithshëm po ashtu nënvizoi fokusin e përbashkët të NATO-s dhe BE-së në situatën në Kosovë. Ai theksoi se misioni i KFOR-it i drejtuar nga NATO vazhdon të zbatojë mandatin e tij të OKB-së në mënyrë të paanshme. Ai i bëri thirrje Beogradit dhe Prishtinës që të shmangin përshkallëzimin dhe të kthehen në dialogun e lehtësuar nga BE.

Fraksion.com