E rëndë në Gjakovë, dy vëllezërit mbeten të vrarë, autori shpallet në kërkim
Dy persona janë vrarë në fshatin Madanaj të Gjakovës.
Sipas burimeve, bëhet fjalë për dy vëllezër, njëri prej të cilëve ka vdekur në vendin e ngjarjes, ndërsa tjetri rrugës për në spital.
Vdekjen e kanë konstatuar mjekët e emergjencës në Gjakovë.
Ende nuk dihen rrethanat apo shkaku se i kësaj vrasje.
Rastin e ka konfirmuar drejtori Rajonal i Policisë në Gjakovë, Lumni Graishta.
Ai ka bërë të ditur se vdekja e tyre është konstatuar nga mjekët.
“Dy persona dyshohet të jenë qëlluar me armë zjarri rreth orës 20:00. Policia ka marrë informatën se bëhet fjalë për dy vëllezër – njëri ka vdekur në vendin e ngjarjes, ndërsa tjetri rrugës për në spital.Vdekjen e kanë konstatuar mjekët e emergjencës në Gjakovë”, tha Graishta.
Fraksion.com
