Zelensky në konferencën në Londër: Projekte reale” të nevojshme për rimëkëmbjen e Ukrainës

Ukraina ka nevojë për “projekte reale” për të ndihmuar rimëkëmbjen dhe rindërtimin e saj, tha të mërkurën Presidenti Volodymyr Zelensky.

Duke folur në Konferencën e Rimëkëmbjes së Ukrainës në Londër me lidhje video, ai i tha konferencës së donatorëve “ne duhet të kalojmë nga vizioni në marrëveshje dhe nga marrëveshjet në projekte reale”.

Zelensky tha se delegacioni ukrainas në Londër – i kryesuar nga kryeministri Denys Shmyhal – do të “paraqesë gjëra konkrete që ne propozojmë të bëjmë së bashku gjatë mandatit tim [Zelensky]” në detyrë.

Konferenca dyditore e donatorëve po mbahet në kryeqytetin e Mbretërisë së Bashkuar.

Përfaqësues të më shumë se 60 shteteve, 30 organizatave ndërkombëtare dhe 400 bizneseve janë të pranishëm, tha sekretari i jashtëm britanik James Cleverly teksa hapi konferencën të mërkurën.

Në prill, Zelensky tha në një forum të Bankës Botërore se do të duheshin “qindra miliarda dollarë” për të rindërtuar vendin e tij.

Fraksion.com