“Vuçiçi rrëmbeu policët e Kosovës, Millosheviçi oficerët e OKB-së në Bosnje”, ministrja e Jashtme e Kosovës thirrje Beogradit: Lironi menjëherë efektivët tanë!
Ministrja e Punëve të Jashtme të Kosovës, Donika Gërvalla ka reaguar pas rrëmbimit të tre efektivëve të policisë së Kosovës nga Serbia në afërsi të kufirit.
Në një postim në Twitter, Gërvalla u shpreh se akti i sotëm është përsëritja e praktikës kriminale të padronit të Vuçiçit, Millosheviçit, i cili urdhëroi rrëmbimin e oficerëve të OKB-së gjatë luftës në Bosnje për të shantazhuar Perëndimin.
Ajo shton se një përshkallëzim i tillë i situatës shërben si një thirrje zgjimi, ndërsa shi ka bërë thirrje presidentit serb që të lirojë menjëherë efektivët.
Ministrja e Jashtme i ka bërë thirrje edhe ndërkombëtarëve që të ndalojnë përshkallëzimin.
“Rrëmbimi i tre zyrtarëve të Policisë së Kosovës nga regjimi i Vuçiçit në thellësi të territorit të Kosovës është përsëritja e praktikës kriminale të padronit të Vuçiçit (Millosheviçit), i cili urdhëroi rrëmbimin e oficerëve të OKB-së gjatë luftës në Bosnje për të shantazhuar Perëndimin. Ky përshkallëzim shërben si një thirrje zgjimi për të gjithë ata që njohin përshkallëzimin e luftërave ballkanike të viteve 1990. Kjo është e paimagjinueshme pa pranimin e vazhdueshëm të dhunës së Vuçiçit nga aktorë të rëndësishëm ndërkombëtarë. Ky akt i agresionit ndërkombëtar është një provë e qartë e Perëndimit.
Vuçiç padyshim do që situata të përshkallëzohet më tej në të gjithë rajonin nëse nuk ka një ndalesë të qartë nga NATO. I bëjmë thirrje Vuçiçit që të lirojë menjëherë policët tanë. Ne i bëjmë thirrje Perëndimit të ngrihet në mbrojtje të aleatëve perëndimorë dhe të ndalojë përshkallëzimin e Vuçiçit”, shkruan ajo.
1/3 Vucic regime’s abduction of three @Kosovo_Police officers from deep inside🇽🇰 territory is the repetition of the criminal practice of Vucic's master Milosevic who ordered the kidnapping of UN and other foreign officers during the Bosnian war to blackmail the West.
— Donika Gërvalla-Schwarz (@gervallaschwarz) June 14, 2023
Fraksion.com
