Meta përshëndet fjalimin e Osmanit në PE: Qëndrim dinjitoz, përkushtimi i Kosovës për demokracinë, shembull frymëzues në rajon

Kryetari i Partisë së Lirisë, Ilir Meta përshëndeti sot qëndrimin e Presidentes së Kosovës, Vjosa Osmani në Parlamentin Europian.

“E përshëndes qëndrimin dinjitoz dhe mbështes plotësisht mesazhet shumë të rëndësishme të shprehura sot në Parlamentin Europian nga Presidentja e Republikës së Kosovës, Vjosa Osmani, e para kryetare shteti pas shpalljes së Pavarësisë që i adresohet këtij institucioni të lartë europian”, u shpreh Meta.

Meta, më tej theksoi se përkushtimi i Kosovës për demokraci, sundim të ligjit dhe respektim të të drejtave të njeriut dhe pakicave, si tri shtylla themelore mbi të cilat qëndron Europa e bashkuar, është shembull frymëzues në rajon.

Presidentja Vjosa Osmani iu adresua sot sesionit plenar të Parlamentit Evropian, ku përmendi fjalët emblematike të presidentit historik, Ibrahim Rugova “Liri, Pavarësi, Demokraci”.

Fraksion.com