Ndërron jetë ish-kryeministri Silvio Berlusconi: Politika italiane në zi!

Ish-kryeministri italian Silvio Berlusconi ka ndërruar jetë në spitalin San Raffaele në Milano.

Lajmi është publikuar nga Corriere Sella Sera.

Lideri i Forza Italia dhe themeluesi i Mediaset, u shua në moshën 86 vjeçare.

Berlusconi u kthye në San Raffaele të premten e kaluar, pas një shtrimi të gjatë prej 45 ditësh, i cili përfundoi disa javë më parë, për shkak të pneumonisë dhe një forme leuçemie.

Ai ishte një biznesmen miliarder që krijoi kompaninë më të madhe mediatike të Italisë përpara se të transformonte peizazhin politik të vend.

Berlusconi e ka formësuar jetën politike italiane për disa dekada.

Ai arriti që të rikthehej në skenën politike italiane nga skandalet seksuale dhe akuzat për korrupsion.

Popullisti i krahut të djathtë, ai ka qenë kryeministër katër herë, me disa pauza, prej vitit 1994 deri më 2011.

Ai udhëhoqi partinë e qendrës së djathtë Forza Italia, e cila hyri në koalicion nën kryeministrin Giorgia Meloni pas zgjedhjeve në shtator të vitit 2022, kur ai u zgjodh vetë në dhomën e lartë të Italisë, Senat.

Berlusconi ka pasur probleme shëndetësore me vite. Në prill ai u trajtua për një infeksion të mushkërive të lidhur me një rast të pazbuluar më parë të leukemisë kronike.

Në fund të vitit 2020, ai është infektuar me koronavirus, ndërsa më 2016 i është nënshtruar një operimi në zemër.

Fraksion.com