Presidenti ukrainas Zelensky mbërrin në samitin e liderëve evropianë në Moldavi

Presidenti ukrainas Volodymyr Zelensky ka mbërritur në Moldavi për samitin e Komunitetit Politik Evropian, sipas llogarisë së tij zyrtare në Telegram të enjten.

“Ne po zhvillojmë një koalicion avionësh luftarakë dhe po ofrojmë një koalicion Patriotësh. BE, NATO, formula e paqes. Gjithçka për të mbrojtur të ardhmen tonë”, thuhet në postimin në Telegram.
Dhjetra liderë nga e gjithë Evropa janë mbledhur për takimin, ku do të diskutojnë çështjet e sigurisë dhe fushat e bashkëpunimit në të gjithë kontinentin.

Takimi i parë i Komunitetit Politik Evropian u mbajt në tetor 2022, me liderët që diskutuan kryesisht luftën në Ukrainë dhe krizën globale energjetike.

Fraksion.com