Ushtria serbe në kufi me Kosovën, Rama: E gjitha për politikë të brendshme! Ka fuqi të barabartë me zero, nuk bën dot asgjë

Kryeministri Edi Rama e cilësoi fuqinë e ushtrisë serbe të vendosur në kufi me Kosovën, si të barabartë me zero. Ai tha se të gjithë këto veprime nga Serbia lidhen me politikën e brendshme dhe se nuk kanë asnjë lloj fuqie të caktuar.

Sipas Ramës, gatishmëria ushtarake e Serbisë në kufirin me Kosovën, është njësoj sikur Meksika të çojë ushtrinë në kufijtë me Shtetet e Bashkuara të Amerikës.

Kjo është shfaqja më e pabesueshme e politikës së brendshme sepse ushtria serbe në kufijtë e Kosovës ka një fuqi të barabartë me zero. Njësoj si ushtria e Meksikës të shfaqet në kufijtë e SHBA-së. Çfarë mund të bëjë? Asgjë! Lidhet e gjitha me politikën e brendshme”-u shpreh Rama.

Kreu i qeverisë nuk e kursyer ‘kunjën’ për Serbinë nga Forumi i Sigurisë në Bratislavë. Folësi falnderoi Edi Ramën dhe kryeministrin e Maqedonisë së Veriut Dimitar Kovaçevski për bisëedën duke e cilësuar të qetë. Në këtë moment, Rama ndërhyri duke i thënë se nëse do donte ta kishte më të nxehtë, duhet të kishte serbët të pranishëm duke nënkuptuar se janë shkak për nxehjen e situatës.

Folësi: Faleminderit për këtë takim të qetë

Rama: Nëse e doje më të nxehtë duhet të kishe sjellë serbët këtu.

Fraksion.com