Lëvizje në kampin blu: Rikthehet Basha, Berisha mbledh deputetët e tij, Gazment Bardhi mobilizon grupin për…

Sot po ndodhin shumë zhvillime në kampin blu! Ish-kreu i PD-së Lulzim Basha nis rikthimin në politikë.

Basha ka njoftuar se do të zhvillojë një takim pasditen e sotme me të rinjtë, ku pritet të diskutohen shumë çështje, teksa kjo lëvizje vjen pas humbjes së demokratëve në zgjedhjet e 14 majit.

Ndërkohë edhe ish-kryeministri Sali Berisha ka njoftuar sot se do të mbledhë grupin e tij parlamentar. Mësohet se mbledhja do të nisë në orën 13:00.

Sakaq, kreu i grupit parlamentar të PD-së, Gazment Bardhi do të zhvillojë mbledhje grupi me çështje diskutimi, ligjin për pagat që pritet të votohet nesër në Parlament.

Kujtojmë se Basha dha dorëheqjen nga drejtimi i Partisë Demokratike një vit më parë pas zgjedhjeve të pjesshme të 6 marsit dhe në krye të PD-së u vendos Sali Berisha.

Pas vendimit të gjykatës, PD u drejtua nga kreu në detyrë Enekelejd Alibeaj.

Rikthimi i Bashës u paralajmërua nga disa analistë, teksa dhe deputeti i PD-së Gazment Bardhi foli për këtë lëvizje të tij.

Fraksion.com