“Rrini urtë, se e fillova zinxhirin” , Kiara publikoi foton me Luizin, banorët e BBV2 hedhin thumba

Ish-banorja e “BBVIP” Kiara Tito ka postuar një foto me Luizin në Instagramin e saj ku të ftuar në një event, të dy janë veshur plot elegancë.

Teksa veshjet e tyre ishin në ngjyrë të zezë e të kuqe, moderatorja ka bërë një referëncë të “Big Brother” në caption-in e saj, duke shkruar “zarf i zi apo i kuq”.

Kaq u desh që në sektorin e komenteve të përfshiheshin dhe të tjerë ish-banorë që nuk i kursyen as disa thumba për njëri-tjetrin.

Ka qenë Ronaldo Sharka i cili ka komentuar “Zarfi i Nitës me avantazh”, duke iu referuar eleminimit të tij si rrjedhojë e nominimit të këngëtares.

Nga ana tjetër, Nita është përgjigjur menjëherë, duke thënë:

“Ronaldos edhe zarfi i kuq i duket i zi, i bie terri syve.”

E si për ta përfunduar, ka qenë fituesi i “BBVIP”, Luizi i cili sërisht ka bërë një referencë të nominimeve, duke thënë: “Rrini urtë, se e fillova zinxhirin.”

Mesa duket, edhe pas përfundimit të garës, banorët i rikthehen herë pas here lojës, qoftë me humor, apo me thumba.

Fraksion.com