Jori sqaron përfundimisht raportin me Luizin dhe Kiarën

Ka pasur shumë aludime mbi raportin e Jori Dellit me Luizin dhe faktin që kanë qenë shokë të mirë. Shumë ndjekës mendojnë se Kiara ka qenë xheloze për modelen, teksa kjo e fundit tha se i ka shkruar Kiarës dhe nuk ka marrë një përgjgije shumë të ngrohtë nga ajo.

E ftuar sot në rubrikën “E Diell N’Trip” ajo ka sqaruar edhe një herë raportet me të dy. Ajo tha se Luizin e ka konsideruar si vëlla, e pëlqente shumë për humorin dhe batuat që bënin.

“Luizi është njeri shumë karizamatik. Aty brenda mërzitesh shumë shpejt, vjen ajo kohë që kemi folur një javë unë e di gjithë jetën tënde, çfarë do bëjmë? Unë kisha gjetur tek Luizi shokun tim edhe si vëlla. Ia kam thënë shumë herë dhe rija me të sepse qeshja me lot, kërcenim, këndonim, ishte qejf prandaj unë u lidha shumë me të dhe ai me mua. Ato ngacmimet që më bënte ishin në kuadrin e lojës. Ato gjëra nuk janë fare të vërteta.”

Ndërsa përsa i përket marrëdhënies me Kiarën, është neutrale, nuk kanë pasur komunikime me të dhe e kupton sepse tashmë ajo është e zënë dhe e preokupuar me shumë gjëra të tjera.

“Me Kiarën le të themi që është një marrëdhënie neutrale. Nuk ka ndodhur asnjë gjë, jashtë ajo ka shumë presion nga publiku dhe besoj se nuk ka shumë kohë të ketë marrëdhënie me mua. I kemi dhënë nja dy-tre mesazhe në Instagram njëra-tjetrës. Mu përgjigj një çikë vonë, por mu përgjigj.”

Lidhur me sjelljen e Kiarës pasi u rifut për herë të dytë në “Big Brother VIP”, Jori u shpreh se i erdhi pak habi me ngacmimet që ajo bënte sepse sipas saj, nuk kishte bërë asnjë gjë të gabuar.

“U habita në fillim sepse nuk i kisha bërë asnjë gjë. Jam shprehur mirë, e kam mbajtur anën e Kiarës prandaj u mërzita.”

Fraksion.com