Rama: “Demokracia s’mund të mbijetojë kur njëra anë beson se ka vetëm dy rezultate për një zgjedhje”

Kryeministri Edi Rama ka publikuar në rrjetet sociale një thënie të presidentit amerikan, Joe Biden.

“Demokracia nuk mund të mbijetojë kur njëra anë beson se ka vetëm dy rezultate për një zgjedhje: ose ata fitojnë ose atyre iu është vjedhur fitorja”, citon Rama shprehjen e Biden duke e cilësuar si aktuale.

Në përfundim të numërimit të votave pas procesit të 14 majit për zgjedhjen e drejtuesve të rinj të 61 bashkive ku kandidatët e PS-së fituan 53 Bashki dhe koalicioni “Bashkë Fitojmë”, 7 prej tyre, përfaqësuesit e opozitës reaguan duke mos pranuar rezultatin.

Sipas tyre qytetarët shqiptarë nuk votuan të lirë.

Fraksion.com