Don Xhoni ironizon në mediat sociale: ‘Bëni bashkëpunime dhe ziheni për drama në Internet’
Nuk e dimë se çfarë e revoltoi Don Xhonin kaq shumë, por në mediat sociale ka bërë disa statuse goxha therëse për kolegët e tij.
Duket se ai është bezdisur nga bashkëpunimet e kolegëve për të cilët shkruan se nuk ia dalin dot pa u bërë bashkë.
“Sa bashkëpunime i keni bërë këtë verë për të dalë nga kriza?”- shkroi ai fillimisht në një status. Më pas vazhdoi: “Mos më bëni edhe sivjet t’jua rikujtoj ‘Katilen’ vet, t’ju vdes matematikën sa 100 bashkëpunimet që i keni bërë për të mbledhur forcat.”
Më pas ironizon: “Hajde më gjallë, më gjallë. Tregojeni veten pak vetë. Mos u fëlliqni për një bashkëpunim tani mos me fol mes veti.”
Pas këtij statusi ka ndarë një screenshot të këngës së tij “Katile” që ka marrë 85 milionë klikime për 10 muaj.
“Harrova t’ju them ndoshta i bëj nja 3-4 bashkëpunime këtë verë, të zihem me ta dhe të bëj drama në Internet. Për numra nuk i kisha bërë se dihen rekordet, por vetëm për Post Drama show.”- shkruan ai një një status të fundit duke shtuar hashtagun #dramaqueen.
Nuk dihet se kë ka shënjestruar Don Xhoni, por me siguri do e mësojmë në vijim.
Tani që “Big Brother” i vërtetë mbaroi, ka ardhur koha të shohim pak “Big Brother” në showbiz.
Fraksion.com
