“Do doja të ishe gjallë të jetoje këtë moment historik për Shkodrën!”, Arilena Ara publikon foton e të atit

Për herë të parë Partia Socialiste do të drejtojë Shkodrën, një bastion historikisht i djathtë, ku në këto zgjedhje, socialistët arritën që ta merrnin fitoren me një rezultat të thellë.

Lidhur me këtë fitore historike të PS në Shkodër, ka reaguar edhe këngëtarja e njohur, Arilena Ara. Kjo e fundit ka postuar një fotografi të babait të saj të ndjerë, ku shfaqet edhe Fatos Nano.

Arilena Ara publikon foton e të atit: Do doja të ishe gjallë.

Bashkëngjitur me këtë imazh, artistja ka shkruar:

“Do doja të ishe gjallë të jetoje këtë moment historik për Shkodrën”

Benet Beci do të jetë kryetari i Bashkisë së Shkodrës, i cili në një dalje për mediat ka falënderuar qytetarët shkodranë për besimin. Ai është shprehur se puna e tij do të nisë menjëherë sapo të marrë detyrën, për ta kthyer këtë besim në detyrë.

E jo vetëm kaq, pasi Beci premtoi se do të punojë për të gjithë qytetarët shkodranë pavarësisht ngjyrës politike.

Fraksion.com