“E mori vesh fitoren”, Vangjel Dule tregon se si e priti lajmin e fitores nga burgu Fredi Beleri

Kreu i PBDNJ-së, Vangjel Dule konfirmoi se Fredi Beleri e ka marrë vesh nga burgu lajmin se arriti që të siguronte fitoren për bashkinë e Himarës.

Në një komunikim për mediat Dule tha se Beleri ishte informuar nga avokati i tij, ndërsa theksoi se e kishte pritur shumë mirë fitoren.

“Ndihem i detyruar t’ju falënderoj pasi jeni pjesë kontribuuese e së vërtetës. U gjetëm në një situatë të vështirë. Në Himarë jemi mësuar me aktet e dhunës, por jo me këtë rast, me arrestim të kandidatit. Është si ajo shprehja që kur flet populli nuk mund ta kundërshtojë kush. Himara duke përfaqësuar çdo kënd do të jetë një model i ri. Sot në Hiamarë u thyer autokracia e Edi Rama dhe nis numërimi pas.

Është ekspertiza që pasi kanë parë dosjen, janë më se të sigurt që s’ka asnjë provë. Ishte një sajesë me implementim nga kryeministri.  Shumë shpejt e vërteta do dalë në vend”, tha Dule.

“ Nuk ishte thjesht një fitore, por një triumf për Fredi Belerin. Një padrejtësi ekstreme, më akuzonin se u braktisa në Himarë, ja rezultati, është një mësim i madh, duhet të jemi realist, është një mësim i madh kjo që po ndodh sot në Himarë, se nuk kishim përballë një forcë politike, një kandidat rival, kishte kryeministrin, qeverinë, strukturat shtetërore, gjithsesi fjala e fundit u takon qytetarëve. Fredi Beleri do jetë një shembull për bashkitë në vend, dhe kjo bashki do kthehet në një Bashki model”, tha Dule.

Fraksion.com