Arrestimi i Fredi Belerit, reagon ashpër kryeministri Mitsotakis: Ngjarje e shëmtuar, kërkojmë mbrojtjen e të drejtave të pakicës greke
Kryeministri i Greqisë, Kyriakos Mitsotakis ka reaguar mesditën e sotme pas arrestimit të kandidatit të koalicionit “Bashkë Fitojmë” në Himarë, Fredi Beleri.
“Më lejoni këtu të hap një parantezë dhe të them diçka për një ngjarje jashtëzakonisht të pakëndshme që ndodhi në Shqipërinë fqinje, mëngjesin e sotëm, ku fatkeqësisht u arrestua kandidati për kryetar të Bashkisë Himarrë dhe anëtari i Minoritetit Kombëtar grek, Fredi Beleri. Dua, këtu nga Lesbos, t’i dërgoj një mesazh vendi mik, Shqipërisë. Zbritje për sundimin e ligjit dhe mbrojtjen e të drejtave të pakicës kombëtare greke, Greqia nuk do të pranojë”, shtoi z. Mitsotakis.
Kyriakos Mitsotakis tha se nëse Shqipëria dëshiron të afrohet me Bashkimin Evropian, ka detyrimin të sigurojë zgjedhje të lira dhe të ndershme bashkiake dhe të lirojë menjëherë ata që ka burgosur, në mënyrë që ata të marrin pjesë në procesin zgjedhor.
“Ka një mënyrë për të qenë të sigurt se rruga e progresit që kemi harruar me dhimbje të mëdha dhe me përpjekje të mëdha dhe duke kaluar nëpër dyzet dallgë do të vazhdojë. Ka vetëm një rrugë: që Demokracia e Re të jetë e fuqishme në kutinë e votimit më 21 maj, nëntë ditë nga tani. Që edhe ne të dërgojmë një mesazh fuqie për të gjithë fqinjët tanë, se jemi një vend i fortë, ne jemi një vend me besim”, theksoi z. Mitsotakis.
Greqia thotë se nëse arrestimi i kandidatit për kryebashkiak të Himarës, Fredi beleri është bërë pa prova kjo do të sillte një skandal të vërtetë.
“Arrestimi i një kandidati për kryetar bashkie dy ditë para zgjedhjeve, nëse nuk ka prova të pakundërshtueshme, përbën skandal ”, nënvizoi zoti Dendias, pas mbërritjes së tij në takimin informal të ministrave të jashtëm të Bashkimit Europian, që po zhvillohet sot.
Siç theksoi ai, në fakt këtë e ka pranuar edhe kryeministri i Shqipërisë, Edi Rama .
“Për këtë kam njoftuar tashmë përfaqësuesin e lartë Josep Borrell dhe ministrin e Jashtëm suedez si ushtrues detyre. Qeveria greke do ta monitorojë nga afër. Nëse nuk ka prova të forta, arrestimi i një kandidati për kryetar bashkie dy ditë para zgjedhjeve është një skandal absolut”, përsëriti ai.
Fraksion.com
