Arrestimi i Fredi Belerit dhe reagimi i Athinës, Idrizi: Ministrja Xhaçka të mos e takojë ambasadoren, t’i drejtohet me notë proteste Ministrisë së Jashtme greke

Kreu i PDIU-së Shpëtim Idrizi ka reaguar pas ngjarjeve në Himarë, ku u arrestua kandidati i koalicionit “Bashkë Fitojmë” Fredi Beleri, gjë që solli më pas një reagim nga Athina zyrtare.

Idrizi pyet nëse po kandidon shteti grek në Himarë apo Fredi Bejleri? Ai deklaron se ministrja Olta Xhaçka, nuk duhet të takojë ambasadoren greke, por t’i drejtohet me notë proteste Ministrisë së Jashtme greke për ndërhyrje në punët e brendshme të Shqipërisë.

“Vazhdojmë të pranojmë të papranueshmen!!!

Çfarë lidhje ka Ministria e Jashtme greke me një kandidat për Bashkinë e Himarës që është shtetas shqiptar me kombësi greke?
Po kandidon shteti grek në Himarë apo Fredi Bejleri?!!!
Ministrja znj. Olta Xhaçka, nuk duhet të takojë ambasadoren greke, por t’i drejtohet me notë proteste Ministrisë së Jashtme greke për ndërhyrje në punët e brendshme të Shqipërisë. #Veç një Atdhe#”, thotë Idrizi.

Fraksion.com