“Unë natën pastroj kanale, por sot po të martoj ty”, Veliaj lë pa fjalë Luiz Ejllin e sapodalë nga “kafazi”

Finalja e madhe e ‘Big Brother VIP’ ka dhuruar emocione dhe surpriza pafund jo vetëm për pjesëmarrësit por edhe për teleshikuesit.

Mbrëmja ka kulmuar me celebrimin e martesës së Luizit dhe Kiarës nga ana e kryebashkiakut Erion Veliaj.

Nuk dihet nëse Erion Veliaj është përpjekur të përdorë për fushatë, dasmën e Luiz Ejllit, një ceremoni që u zhvillua në tarracën e Bashkisë së Tiranës, pak para se Ejllin ta lëshonin nga  “kafazi” i artë i BBV ku qëndronte prej katër muajsh. Dhe Veliaj nuk e humbi rastin dhe tha se jemi drejt fundit të fushatës elektorale.

Por ajo se çfarë i tha Veliaj e ka lënë pa fjalë Luizin, të cilit nuk i mungojnë kurrë batutat.

Kryebashkiaku deklaroi se natën pastron kanale dhe u shfaq i lumtur që këtë të shtunën e kishte marrë pushim, sepse do të martonte Luizin në tarracë dhe i kishte shpëtuar kanaleve…

“Unë do të pastroja kanalet, më mirë të të martoj ty.”

Pjesë nga biseda:

Luizi: Shumë faleminderit, ju kam bërë të rrini deri vonë por…,

Erion Veliaj: Jo more, ne këtë punë kemi! Unë do isha duke pastru’ kanale, më mirë të të martoj ty (qesh)

Luiz Ejlli: (Heshtje)

Padyshim që kjo ka qenë një batutë e kryebashkiakut, ndërkohë që celebrimi i çiftit u krye dhe u finalizuar me një kërcim shumë të ndjerë dhe romantik.

Fraksion.com