“Pse iu mbulua portreti Nënë terezës?!” Skulptura përurohet me ceremoni në Aeroportin e Rinasit, gazetari kërkon të hiqet

Figura e njohur e kombit shqiptar, Nënë Tereza është shfaqur ndryshe. Një ditë më parë, u përurua në Aeroportin ‘Nënë Tereza’ skulptura e shenjtores, po ndryshe nga ajo që është në Kamëz, kjo është me kokën ulur. Ajo që duket nga skulptura e madhe është manteli i bardhë i shenjtores, i cili ka të gjithë fokusin, shiritat blu në kokë dhe dy duart që bashkohen, por vetëm portreti s’duket.

Artisti i kësaj vepre është Ilirjan Shima. I mbështetur nga Union Bank për realizimin e saj, Shima thotë se iu desh plot 1 vit për ta realizuar. E sipas tij, arsyeja se përse nuk ia la fytyrën apo trupin që të dukej, ishte sepse donte që t’i dukej ideja.

“Është një vepër që i bën mirë Shqipërisë. Unë doja ta shikoja si frymë. I hoqa trupin që ti dukej ideja. Mori statusin e të përjetshmes. E bëra brenda një viti. Më pak se një vit. Kohë rekord. Bardhësia dhe mënyra se si ujërat e mermerit e mbështesin shumë dhe idenë e Nënë Terezës”, tha skulptori i veprës.

Ai që ka reaguar kundër skulpturës, e madje që kërkon edhe heqjen e saj është gazetari Arsen Rusta. Gazetari kërkon të dijë se si mundet të përbuzet figura e të madhes Nënë Tereza në portën kryesore të vendit.

“Po si mundet që të mbulohet fytyra e një shenjtoreje që i gjithë kombi ynë e bota krenohet? A nuk do ishte e denjë për figurën e saj dhe atë që ajo përfaqëson, që portreti i saj të ishte i dukshëm, e jo me kokën ulur”– shkruan ndër të tjera ai.

Shkrimi i plotë:

“Nënë Tereza” me fytyrë të mbuluar!!! Po si mundet kjo more… Po me Nënë Terezën çfarë patët?!!!! Afro 9 vit më parë i madhi Maks Velo do të linte me intervistën e tij, detyrën e papërfunduar të një Skulpture dinjitoze asokohe të Nënë Terezës sot Shenjta Terezë. Po si mundet që përçundimi i kësaj gruaje të madhe me gjak shqiptari t’i bëhet gjithmonë në portën kryesore ku futen të huaj e shqiptar në vëndin e saj, vendin e shqiponjave. Aeroportin e Rinasit,

E dyta, Skulptura e parë hequr nga Rinasi si e padenjë

E treta, Skulptura e dytë vendosur por jo më e mira në një rreth rrotullim ku nga një anë duket veç kurrizi!

Fotot e fundit janë Skulptura me fytyrë të mbuluar e Shenjtë Terezës, inaguruar dhe promovuar me pompozitet edhe si investim i një banke të nivelit të dytë!!!

o si mund t’i mbulohet fytyra një zonje kaq të madhërishme…..

Kush guxon ta bëjë këtë në një vend me tolerancë fetare, pak ditë pasi Myslimanët kanë festuar denjësisht Ramazanin dhe Katolik e Ortodoks pashkët.

Kujt i vjen zor nga fytyra e shqiptares më përfaqësuese!!!

Të nderuar, përfaqësues të aeroportit, Ministrisë së Kukturës, Bankës, i nderuar Skulptor çdo art ka vlerë pasi në shumicën e rasteve abstraksioni në vetvete është art. Por Fytyra e Shenjtë Terezës s’mund të mbulohet për asnjë shije. Në atë fytyrë ka Shqipëri, ka rrudha, ka vite jetë, ka histori, ka shije, ka zhgënjim, ka shpresë, ka jetë njeriu! I ndjerë i fyer nga mbulimi i fytyrës së Shenjtë Terezës, unë Myslimani Arsen Rusta bëj apel që kjo Skulpturë të hiqet një orë e më parë nga ai vend publik dhe kombëtar. Ne skemi pse fshehim Historinë dhe Identitetin tonë.

Edhe pse kjo vepër synon që të përcjellë mesazhin se është pranë shqiptarëve, pavarësisht se ku jetojnë, në fakt përcjell një pamje jo të lartësuar për figurën e shenjtores. Koka ulur e saj nuk na sjell frymën që do sillte nëse do ishte me kokën lart, por mesa duket artisti i veprës mendon të kundërtën, e po ashtu edhe ata që e mbështetën./iconstyle.al

 

Fraksion.com