Ngjarje makabër: Djali nga Peja vret nënën e tij!

Në foto është Urim Hyseni, djali nga Peja që vrau nënën e tij.

Ngjarja e rëndë ka tronditur Kosovë e Shqipëri, por jo vetëm.

Burime informuan se Urim Hyseni ka vrarë nënë e tij ndërsa ndodheshin në shtëpi.

Ende nuk dihen shkaqet që e kanë shtyrë të riun për të kryer aktin makabër.

Ngjarja tronditëse ndodhi në lagjen Kapeshnicë rreth orës 16:00.

Në rrethana ende të paqarta, i riu i ka marrë jetën nënës së tij duke i prerë kokën me thikë.

I riu ka jetuar për rreth pesë vjet në Gjermani dhe kishte ardhur përkohësisht në familjen e tij për vizitë.

Grupi hetimor po punon për zbardhjen e rrethanave të ngjarjes.

Vrasjen e ka konfirmuar për Telegrafin edhe zëdhënësi i Policisë së Kosovës për rajonin e Pejës, Driton Rugova, i cili ka bërë të ditur se i dyshuari për këtë rast është arrestuar.

“Rreth orës 16:00 policia është njoftuar për rast që ka ndodhur në rrugën ‘Mbreti Zog’ në Pejë. Me të arritur në vendin e ngjarjes, policia ka kuptuar se bëhet fjalë për vrasje të rëndë. Në vendin e ngjarjes ka dalë edhe ekipi mjekësor, i cili ka konstatuar vdekjen e viktimës. I dyshuari është arrestuar”, ka deklaruar Rugova.

Fraksion.com