Gjykata ruse vendos gjobë në Wikipedia për artikull në lidhje me pushtimin në Ukrainë, raportojnë mediat shtetërore

Një gjykatë në Moskë ka gjobitur Fondacionin Wikimedia, i cili zotëron Wikipedia në gjuhën ruse, që nuk hoqi  një artikull në lidhje me “pushtimin rus të rajonit të Zaporizhzhia”, njoftoi të enjten media shtetërore ruse TASS.

Sipas TASS, një gjykatë në Moskë e shpalli fajtor Fondacionin Wikimedia për mos heqjen e informacionit nga faqja e tij në internet dhe e gjobiti atë me 2 milionë rubla (24,500 dollarë).

Në dokumentet e gjykatës thuhet se Wikipedia refuzoi të heqë një [artikull] në lidhje me armiqësitë në kuadër të operacionit special ushtarak dhe aneksimit të rajonit të Zaporizhzhia nga Rusia, raporton TASS.

Ka pasur debate për ndalimin e Wikipedia-s në Rusi. I pyetur për mundësinë e mbylljes së faqes në internet, Kremlini tha të martën e kaluar se së pari duhet të zhvillohet një alternativë ruse ndaj platformës Wikipedia.

Rusia ka nevojë për ekuivalentin e saj të enciklopedisë online për shkak të shqetësimeve të Kremlinit për “pasaktësitë, shtrembërimet” dhe “gabimet historike dhe faktike” të saj në Wikipedia, sipas zëdhënësit të Kremlinit Dmitry Peskov.

Fraksion.com